"Samandar Kya Kare'n Ge Qatra-E-Shabnam Chura Lein.."

"Samandar Kya Kare'n Ge Qatra-E-Shabnam Chura Lein.,

Jo Mumkin Ho To Zakhm-E-Hijr Ka Marham Chura Lein..

Tumhara Saath Hai To Ek Bas Apna Hi Jeevan Kyun.?

Jaha'n Walo'n Ki Sari Umr Aao Hum Chura Lein.,

Baharo'n Ke Chale Jane Khiza'n Aane Ka Darr Naa Ho..

Koi Aisa Muhabbat Ka Naya Mausam Chura Lein.,

Khabar Ho Neend Ki Paryo'n Naa Hi Khwabo'n Ki Kahani Ko..

Tumhe'n Palko'n Ki Doli Mein Bitha Kar Hum Chura Lein.,

Hame'n Jazbaat Ke Sehra Ko Bhi Sairab Karna Hai..

Kisi Toote Hue Insa'n Ki Chashm-E-Num Chura Lein.,

Sada Ki Muskurahat Unn Ke Honto'n Pe Sajane Ko..

Chalo 'Himanz' Zaraa Chupke Se Unn Ke Ghum Chura Lein.!!"